ការលក់ដែលទទួលបានជោគជ័យ
គឺកើតចេញពីការគិត
និងការអនវត្ត។ ការលក់តម្រូវឲ្យមានការប្រើប្រាស់យុទ្ធសាស្រ្ដ
ដំណាក់កាល
និងវិធីសាស្រ្ដក្នុងការវាស់ស្ទង់ និងគ្រប់គ្រង។ ការលក់ គឺត្រូវកើតចេញពីការប្ដេជ្ញាចិត្តយ៉ាងមោះមុតជាទីបំផុត។
ខាងក្រោមនេះ គឺជាជំហានទាំង៥សម្រាប់ឲ្យការលក់របស់អ្នកទទួលបានជោគជ័យ៖
១. កំណត់គោលដៅទីផ្សារៈ អ្នកត្រូវមានគម្រោងកំណត់ពីគោលដៅទីផ្សាររបស់អ្នកឲ្យបានច្បាស់លាស់។
អ្នកត្រូវដឹងថាគោលដៅទីផ្សាររបស់អ្នកនៅកន្លែងណាខ្លះ
និងសម្រាប់មនុស្សប្រភេទណាខ្លះ?
នៅពេលដែលអ្នកដឹងទីតាំង និងប្រភេទអតិថិជនហើយ អ្នកត្រូវដឹងថាការលក់របស់អ្នកត្រូវចាប់ផ្ដើមពីកន្លែងណា។ បន្ថែមពីនេះ
អ្នកត្រូវកំណត់ពេលវេលា និងចំនួននៃការលក់របស់អ្នកនៅទីតាំងនីមួយៗ។
២. ភ្ជាប់ទំនាក់ទំនងផ្ទាល់ជាមួយអតិថិជនៈ ជធម្មតា អ្នកត្រូវតែធ្វើបញ្ជីដើម្បីកត់ត្រាពីអាសយដ្ឋានទំនាក់ទំនងអតិថិជនរបស់អ្នកដែលធ្លាប់បានមកជាវទំនិញរបស់អ្នក។ នៅពេលដែលអ្នកចុះធ្វើការលក់នៅទីណាមួយ អ្នកអាចធ្វើការសើររើបញ្ជីមកវិញដើម្បីស្វែងរកអតិថិជនណាដែលនៅក្បែរទីនោះ
ហើយធ្វើការទំនាក់ទំនងតាមទូរស័ព្ទដើម្បីឲ្យពួកគេមកទិញទំនិញថ្មីរបស់អ្នក។ ប្រសិនជាការលក់របស់អ្នកមិនត្រូវទីតាំងរបស់អតិថិជនមួយចំនួនក៏ដោយ ក៏អ្នកនៅតែត្រូវធ្វើការទំនាក់ទំនង
និងផ្ដល់ព័ត៌មានឲ្យពួកគេបានដឹងផងដែរ។
៣. ដឹងពីអ្វីដែលត្រូវសួរអតិថិជនៈ មុននឹងអ្នកទៅកាន់គោលដៅនៃការលក់
អ្នកត្រូវរៀបចំបញ្ជីសំណួរសម្រាប់សួរអតិថិជន។
សំណួរទាំងនោះ គឺទាក់ទងនឹងសុខទុករបស់ពួកគេដើម្បីឲ្យពួកគេមានអារម្មណ៍ថាយើងយកចិត្តទុកដាក់
និងឲ្យតម្លៃលើពួកគេ។
បន្ទាប់មកយើងគួរសួរពីប្រភេទផលិតផលដែលពួកគេចង់បាន
និងអ្វីដែលពួកគេចង់ឲ្យយើងផ្ដល់ឲ្យ។
៤. ចែកចាយ និងកសាងៈ ចែកចាយពីអ្វីដែលអ្នកចង់ធ្វើ
និងផ្ដល់ឲ្យពួកគេនៅអ្វីដែលយើងបាននិយាយ។ យើងមិនត្រូវបាននិយាយបានតែមាត់ដោយគ្មានការអនុវត្ដន៍នោះទេ។
៥. ការត្រួតពិនិត្យៈ
អ្នកត្រូវត្រួតពិនិត្យ
និងតាមដានដំណើរការនៃការលក់របស់អ្នកឲ្យបានទៀតទាត់។
អ្នកមិនត្រូវធ្វើការធ្វេសប្រហែស បើទោះបីជាការលក់របស់អ្នកមានកំណើនខ្លាំងក៏ដោយ។
អ្នកត្រូវសួរខ្លួនឯងថា
តើការលក់របស់អ្នកដំណើរការយ៉ាងណាហើយ?
តើការលក់របស់អ្នកទទួលបានអ្វីខ្លះហើយ?
តើមានចំនុចអ្វីខ្លះដែលមិនដំណើរការ? តើអ្នកជួបផលវិបាកអ្វីខ្លះ?
នៅពេលដែលអ្នកដឹងពីដំណើរការនៃការងាររបស់អ្នកបានច្បាស់លាស់
អ្នកនឹងមានភាពងាយស្រួលក្នុងការគ្រប់គ្រងលទ្ធផលរបស់អ្នក។
មិនតែប៉ុណ្ណោះប្រសិនជាមានបញ្ហាអ្វីមួយកើតឡើង អ្នកអាចរកវិធីដោះស្រាយបានទាន់ពេលវេលា៕
No comments:
Post a Comment