១) ចំណង់
“ប្រសិន បើអ្នកមិនស្រលាញ់នូវអ្វីដែលអ្នកកំពុងតែធ្វើ អ្នកប្រាកដជាមិនបានខិតខំធ្វើការងារនោះឲ្យអស់ពី សមត្ថភាពទេ”។ វាជាការងាយស្រួលដោយអ្នកអាចចាប់ផ្តើមជាមួយនឹងការងារណាដែល អ្នកចូលចិត្តហើយ ចំណាយពេលទៅលើវាឲ្យបានប្រសើរ ពីព្រោះនេះជាចំណុចដែលអាចឲ្យគេមើលឃើញពីចំណង់ចំណូលចិត្តរបស់ អ្នក។
ក្នុងទិសដៅមួយដែលអ្នកបានចាប់ផ្តើមបើកក្រុមហ៊ុនជាមួយដៃគូរ របស់អ្នក ហើយអ្នកទាំងពីរពេញចិត្តចំពោះការងារដែលអ្នកធ្វើនោះ វាប្រាកដណាស់អ្នកនឹងទទួលបានជោគជ័យមិនខាន។ នេះជាឥទ្ធិពលមួយដែលជម្រុញឲ្យអ្នករកឃើញពីថាមពលនៃក្តីស្រមៃ របស់អ្នក និងបានធ្វើឲ្យអ្នករីកចម្រើនលូតលាស់ផងដែរ។ ចំណង់ដែលយើងមានប្រៀបបានទៅនឹងប្រេងឥន្ធនៈដែលជាថាមពលដ៏ខ្លាំង ក្លា សម្រាប់យានយន្តទាំងឡាយដែលបានធ្វើចរាចរណ៍លើដងវិថី។ ចំណង់អាចធ្វើឲ្យអ្នកទទួលបានជោគជ័យ ពីព្រោះវាបានធ្វើឲ្យអ្នកមានភាពរឹងប៉ឹងនិងពោពេញដោយអត្ថន័យ។
២) ប្រាក់ចំណេញ
ការ ប្រកបមុខជំនួញអ្វីមួយគឺត្រូវគិតពីគោលការណ៍ចម្បងឲ្យបានច្បាស់ លាស់ មានន័យថា អ្នកត្រួវធ្វើអ្វីឲ្យអតិថិជនមានចំណាប់អារម្មណ៍ទៅលើមុខជំនួញ របស់អ្នក។ មិនមែនគ្រាន់តែជាការបើកដែលត្រូវចំណាយដើមទុនក្នុងការទាក់ទាញ ឬជាការតុបតែងជំនួយដែលមិនអាចទទួលបានផលចំណេញត្រឡប់មកវិញនោះ ទេ។ នៅពេលដែលឱកាស ឬមុខជំនួញរបស់អ្នកកំពុងតែមានការកើនឡើងជាលំដាប់ នៅពេលនោះហើយជាពេលដែលអ្នកមានការខ្វល់ខ្វាយ ពីរឿងចំណាយដែលមានការកើនឡើងជារៀងរាល់ថ្ងៃ។ អ្នកត្រូវមានវិធីសាស្រ្តក្នុងការបង្កើនដើម្បីទាក់ទាញអតិថិជនឲ្យ បានច្រើនជាងនេះ។ វិធីសាស្រ្តរបស់អ្នកអាចជាការផ្សព្វផ្សាយតាមរយៈបណ្តាញព័ត៌មាន មួយចំនួនដែលមានក្នុងស្រុកដូចជាៈ កាសែត វិទ្យុ ទូរទស្សន៌ជាដើម។ មានអ្នកជំនួញមួយចំនួនបានទទួលជោគជ័យលើមុខជំនួញតាមរយៈការ ផ្សព្វផ្សាយនេះដែលនឹកស្មានមិនដល់ ហើយអ្នកក៏អាចសាកល្បងទៅលើមុខជំនួញរបស់អ្នកដែរ។ ហេតុផលមួយដ៏ចម្បងមួយទៀតនោះគឺបណ្តាក្រុមហ៊ុន អាជីវកម្មមួយចំនួនមានបញ្ហាពិបាកក្នុងការគ្រប់គ្រងហិរញវត្ថុរបស់ ពួកគេ។ ការរកប្រាក់កម្រៃមិនមែនជាហេតុផលតែមួយក្នុងការធ្វើជំនូញទេ សម្រាប់ភាពជោគជ័យរបស់អ្នកជំនួញគឺពួកគេត្រូវការឲ្យមានភាពយូរ អង្វែងមិនមែនជាមុខជំនួញដែលមានរយៈពេលខ្លីនោះទេ។ មានប្រភេទអ្នកជំនួញខ្លះគិតពីផលកម្រៃពេកធ្វើឲ្យឱកាសជំនួញរបស់ ខ្លូនត្រូវទទួលបរាជ័យដោយមិនដឹងមូលហេតុ។ អ្នកត្រូវដឹងថា នៅពេលដែលអ្នកដំណើរការផ្នែកជំនួយរបស់អ្នកបាន ហើយបន្ទាប់មកអ្នកត្រូវគិតពីអតិថិជនរបស់អ្នក ហើយប្រសិនបើអ្នកមិនគិតពីអតិថិជនរបស់អ្នកទេ នោះមុខជំនួញរបស់អ្នកនឹងពុំអាចក្លាយជាមុខជំនួញដែលមានរយៈពេល យូរអង្វែងបានទេ។
៣) អតិថិជន
អ្នក មិនអាចជោគជ័យនៅក្នុងមុខជំនួញរបស់អ្នកបានឡើយ ប្រសិនបើអ្នកមិនបានបម្រើដល់អតិថិជន។ អ្នកជំនួញដែលទទួលបានជោគជ័យបំផុតគឺជាអ្នកជំនួញដែលផ្តល់ឲ្យ អតិថិជនច្រើនជាងអ្វីដែលពួកគាត់សមនឹងទទួលបាន។
ភាព ជោគជ័យរបស់អ្នកជំនួញគឺទាមទារឲ្យអ្នកក្លាយជាអ្នកបម្រើដ៏ប៉ិន ប្រសប់និងពូកែក្នុងការដឹកនាំ។ ពាក្យថា “ការបម្រើ និងការដឹកនាំ” មិនដូចគ្នាទេ តើអ្នកអាចគ្រប់គ្រងនឹងបម្រើគេបានយ៉ាងដូចម្តេច?
- ការបម្រើ គឺជាប្រតិបត្តិការមួយរវាងអ្នកលក់និងអ្នកទិញ។
- ភាពដឹកនាំ គឺចង់សំដៅទៅលើការដឹកនាំគ្រប់គ្រងមុខជំនួញរបស់អ្នកដោយបំពេញតម្រូវការឲ្យបានស័ក្តិសមទៅតាមទីផ្សារ។
អ្នក ជំនួញត្រូវដឹកនាំដោយការកំនត់នូវគោលដៅច្បាស់លាស់ដើម្បីទទួលបាន នូវការគាំទ្រ និងការប្រតិបត្តិពីអ្នកដទៃ។ យុទ្ធសាស្រ្តគឺជាវិធីសម្រាប់រៀបចំធនធាន តើអ្វីដែលអ្នកចង់ដឹង? នរណាដែលអ្នកត្រូវការស្គាល់? តើអ្វីដែលអ្នកចាំបាច់ត្រូវធ្វើ? យុទ្ធសាស្ត្រគឺជាការទទួលស្គាល់ថា វាជាទេពកោសល្យដ៏ប្រសើរ ហើយនិងចំណង់ចាំបាច់ដើម្បីស្វែងរកផ្លូវត្រូវមួយ។ សំនួរទាំងអស់នោះវាទាក់ទងទៅនឹង តើអ្នកត្រូវការឲ្យអតិថិជនផ្តោតលើអ្វីនាពេលបច្ចុប្បន្ននេះ? ប្រសិនបើអ្នកបាត់បង់អតិថិជនរបស់អ្នកដោយមិនដឹងពីទិសដៅ ឬខ្សែបន្ទាត់ច្បាស់លាស់អ្នកអាចនឹងបាត់បង់ផ្លូវរបស់អ្នក ហើយធ្វើឲ្យការរកស៊ីប្រកបមុខរបររបស់អ្នកជួបបញ្ហាជាក់ជាមិន ខានឡើយ។
៤) អាទិភាព
ពី ព្រោះអ្នកធ្វើជំនួញដែលទទួលបានជោគជ័យគឺកើតចេញពីការស្រលាញ់និង ចូលចិត្តធ្វើការងាររបស់ពួកគេ។ ពួកគេបានទទួលលុយយ៉ាងច្រើនដែលចេញពីមុខជំនួញត្រឹមត្រូវ និងភាពវ័យឆ្លាតដែលគេទទួលស្គាល់ថា នោះជាការខិតខំប្រឹងប្រែងរបស់គេ និងឥទ្ធិពលរួមទាំងស្ថានភាពដែលពួកគេបានទទួល។ គ្មានអ្វីដែលជាភាពអវិជ្ជមានក្នុងការរកលុយទេ ប្រសិនបើអ្នកខិតខំដោយកម្លាំងកាយចិត្តរបស់អ្នកយ៉ាងពិតប្រាកដ។
តើ អ្វីជាអាទិភាព? អាទិភាពរបស់យើងគឺទៅតាមលំដាប់លំដោយ ជាឧទាហរណ៍ដូចជាថា ទី១គឺព្រះជាម្ចាស់ ទី២គឺប្រពន្ធរបស់អ្នក ទី៣គឺកូនៗរបស់អ្នក និងទី៤គឺការងាររបស់អ្នក។ ការចាប់ផ្តើមគិតគឺជាខ្សែបន្ទាត់ក្រោមបំផុតនៃប្រាក់ចំណេញ វាជាការសំខាន់បំផុតក្នុងជីវិត។ ប្រសិនបើអ្នករៀបចំអាទិភាពរបស់អ្នកតាមលំដាប់ អ្នកអាចក្លាយជាអ្នកជំនួយទទួលបានជោគជ័យ។
សរុប សេចក្តីមកមូលដ្ឋានគ្រឹះដើម្បីទទួលបានជោគជ័យលើមុខជំនួញ គឺជាគន្លឹះដែលអាចធ្វើឲ្យអ្នកប្រកបមុខរបរទទួលបានជោគជ័យយូរ អង្វែង និងអាចទទួលបានការគាំទ្រច្រើនពីសំណាក់អតិថិជន៕
No comments:
Post a Comment