បើសន្សំសំចៃ ១០% នៃប្រាក់ចំណូលប្រចាំខែ
មិនគ្រប់សម្រាប់អ្នកដោះបំណុល។
ត្រូវតែអនុវត្តវិធានការខ្លាំងក្លាជាងហ្នឹងទៀត។
ខាងក្រោមនេះជារបៀបទាំង ១០
ដែលលើកឡើងដោយអ្នកឯកទេសនៃអ្នកព្រឹត្តិប័ត្រហិរញ្ញវត្ថុ The Street។
១. ដូរទៅផ្ទះតូចបន្តិច ជំនួសឱ្យការទិញផ្ទះធំដែលអ្នកអាចសងគេបានធូរ
រស់នៅក្នុងផ្ទះតូចជាងដែលអ្នក អាចរកបាន។
អ្នកក៏អាចលក់ផ្ទះធំដែលអ្នកកំពុងរស់នៅ ហើយទិញផ្ទះតូចល្មម
ហើយក៏អាចរកផ្ទះតូចបំផុតអាចល្មមស្នាក់នៅបានក៏រឹតតែប្រសើរ។ ពិតហើយ
វាមិនស្រណុកចិត្តទេពេលត្រូវ រស់នៅក្នុងផ្ទះតូចខណៈដែលអ្នកជុំវិញស្នាក់នៅផ្ទះធំ
ប៉ុន្តែសុខភាពថវិការបស់អ្នកប្រាកដជាល្អ ហើយអ្នកមិនត្រូវប្រឈមនឹង
ការខ្វះខាតលុយកាក់សម្រាប់សងគេដូចអ្នកដទៃ។
២. សន្សំយ៉ាងតិច ៥០% នៃប្រាក់ចំណូល គេរមែងឱ្យយោបល់ថា ម្នាក់ៗត្រូវសន្សំសំចៃ ១០% តែអ្នកត្រូវធ្វើឱ្យល្អជាងនេះ។ ត្រូវដាក់គោលដៅពី ៥០% ឡើងលើ។ គ្រាន់តែខំបន្តិចនរណាក៏អាចសន្សំបាន ១០% នៃលុយដែលខ្លួនរកបានតែដាច់ខាត ត្រូវមានការតាំងចិត្តដូចដែកថែបនិងខិតខំណាស់ទើបសន្សំបាន ៥០%។ ដោយរបៀបនេះធានាថាអ្នកនឹងមិនជួបវិបត្តិថវិកាទេ ចំពោះគ្រប់ស្ថានភាពធម្មតាៗ ហើយងអាចចូលនិវត្តន៍សោយសុខបានមុនមិត្តរួមការងារ។
៣. បន្ថយឧបករណ៍ប្រើប្រាស់មិនចាំបាច់ ចូរប្រមើលគិតពីបញ្ហានេះប្រមាណ ៣០វិនាទី ៣០ឆ្នាំទៅមុខប្រហែលជាអ្នកគ្មាន Apple, iPod, ទូរសព្ទចល័ត, កុំព្យូទ័រ, ក្បាលចាក់ DVD និងរបស់របរជាច្រើនទៀតដែលហាក់ដូចជាចំបាច់ណាស់នៅពេលនេះ។ ចូរលះបង់ពពួកទូរទស្សន៍ អេក្រង់ស្មើរធំៗ និងអ្វីៗប្រហែលវានោះ។ អ្នកអាចអានព័ត៌មានពីកាសែតក្នុងបណ្ណាល័យហើយទីនោះអ្នកក៏អាច Check mail និងអាចប្រើប្រាស់កុំព្យូទ័របាន។វាមិនត្រឹមតែជួយអ្នកឱ្យសន្សំបានរាប់រយដុល្លារក្នុងមួយខែៗ តែអាចសន្សំបានរាប់ពាន់ដុល្លារ ពីការទិញពួកវា។ ពិតហើយភាគច្រើននៃឧបករណ៍អស់នោះនាំមកនូវផាសុកភាពនិងស៊ីវីល័យ តែការពិតយើងអាចរស់នៅដោយគ្មានវាបាន។
២. សន្សំយ៉ាងតិច ៥០% នៃប្រាក់ចំណូល គេរមែងឱ្យយោបល់ថា ម្នាក់ៗត្រូវសន្សំសំចៃ ១០% តែអ្នកត្រូវធ្វើឱ្យល្អជាងនេះ។ ត្រូវដាក់គោលដៅពី ៥០% ឡើងលើ។ គ្រាន់តែខំបន្តិចនរណាក៏អាចសន្សំបាន ១០% នៃលុយដែលខ្លួនរកបានតែដាច់ខាត ត្រូវមានការតាំងចិត្តដូចដែកថែបនិងខិតខំណាស់ទើបសន្សំបាន ៥០%។ ដោយរបៀបនេះធានាថាអ្នកនឹងមិនជួបវិបត្តិថវិកាទេ ចំពោះគ្រប់ស្ថានភាពធម្មតាៗ ហើយងអាចចូលនិវត្តន៍សោយសុខបានមុនមិត្តរួមការងារ។
៣. បន្ថយឧបករណ៍ប្រើប្រាស់មិនចាំបាច់ ចូរប្រមើលគិតពីបញ្ហានេះប្រមាណ ៣០វិនាទី ៣០ឆ្នាំទៅមុខប្រហែលជាអ្នកគ្មាន Apple, iPod, ទូរសព្ទចល័ត, កុំព្យូទ័រ, ក្បាលចាក់ DVD និងរបស់របរជាច្រើនទៀតដែលហាក់ដូចជាចំបាច់ណាស់នៅពេលនេះ។ ចូរលះបង់ពពួកទូរទស្សន៍ អេក្រង់ស្មើរធំៗ និងអ្វីៗប្រហែលវានោះ។ អ្នកអាចអានព័ត៌មានពីកាសែតក្នុងបណ្ណាល័យហើយទីនោះអ្នកក៏អាច Check mail និងអាចប្រើប្រាស់កុំព្យូទ័របាន។វាមិនត្រឹមតែជួយអ្នកឱ្យសន្សំបានរាប់រយដុល្លារក្នុងមួយខែៗ តែអាចសន្សំបានរាប់ពាន់ដុល្លារ ពីការទិញពួកវា។ ពិតហើយភាគច្រើននៃឧបករណ៍អស់នោះនាំមកនូវផាសុកភាពនិងស៊ីវីល័យ តែការពិតយើងអាចរស់នៅដោយគ្មានវាបាន។
៤. លក់រថយន្តរបស់អ្នក ជាការពិតអ្នកអាចមិនចាំបាច់ត្រូវប្រើឡាន។
មែនហើយមានឡានផ្ទាល់ខ្លួនវាងាយស្រួលជាងអត់ តែប្រាកដណាស់យើងអាចរស់
និងធ្វើការបានដោយមិនប្រើឡាន។ ចូរអ្នកទម្លាប់ប្រើមធ្យោបាយសាធារណៈ
ករណីចាំបាច់យើងអាចជួលរថយន្តបាន។ ដោយវិធីនេះយើងអាចសន្សំបានលុយទិញឡាន
លុយថ្លៃប្រេង លុយជួសជុល ធានារ៉ាប់រង និងចំណាយឯទៀតៗ...។
ទោះបីការជិះរថយន្តក្រុង ឬម៉ូតូ វាមិនសង្ហាមែន
តែវាធ្វើឱ្យហោប៉ៅអ្នកណែនដោយលុយទៅវិញ។
៥. ទិញតែឧបករណ៍ជជុះ មែនហើយថ្មីគឺស្អាត
តែរបស់តិចណាស់ដែលអ្នកដាច់ខាតត្រូវទិញថ្មី។
ចូរទម្លាប់ទិញរបស់ណាដែលអ្នកចង់ទិញ ជាទំនិញជជុះ (Second Hand) ឬមិនទិញតែម្តង។
ទង្វើនេះនឹងជួយឱ្យអ្នកសន្សំបានយ៉ាងតិច ៥០% ឬច្រើនទៀត។
៦. ទិញមួយឱ្យបី អ្នកដឹងច្បាស់ហើយថាខ្លួនឯងមានរបស់របរច្រើនណាសើក្នុងបន្ទប់
ឬទុកដាក់ក្នុងទូនានា។ ដូច្នេះបើពិតជាត្រូវការទិញរបស់អ្វីមួយ
ចូរអ្នកឱ្យជាកាដូ ឬលក់ ឬក្រវាត់ចោលរបស់ ៣យ៉ាងផ្សេងទៀត។ ឧទាហរណ៍
អ្នកចង់ទិញអាវសឺមីថ្មីមួយ ស្បែកជើងថ្មី ឬសៀវភៅថ្មី ចូរលះបង់របស់ចាស់
៣មុនសិន។ ដោយរបៀបនេះអ្នកនឹងដឹងថាខ្លួនមានរបស់របរច្រើនពេកហើយ
អញ្ចឹងត្រូវទិញតែរបស់ចាំបាច់ប៉ុណ្ណោះ ជៀសវាងធ្លាក់ចូលក្រុម ៨០%
ដែលគ្រាន់តែទិញរបស់ហើយយមិនប្រើ។
៧. ធ្វើឱ្យបុណ្យធំៗ
ទៅជាវិស្សមកាលដែលមិនចាយប្រាក់ ជំនួសឱ្យការចាយវាយមួយសប្បាយ
ក្នុងបណ្តាថ្ងៃឈប់សម្រាកបុណ្យទាន ចូរត្រឡប់មករកន័យដើមនៃ
ថ្ងៃឈប់សម្រាកអស់នោះវិញ
អញ្ចឹងអ្នកពិតជាឃើញហេតុផលដែលមិនចាំបាច់ត្រូវប្រើលុយ។
ចំណុចនេះមិនស្រួលពេកនោះទេ ហើយមិត្តភក្តិ ឬក្រុមគ្រួសារអាចមិនយល់ពីអ្នក តែវាមិនត្រឹមតែជួយអ្នកសន្សំបានប្រាក់ប៉ុណ្ណោះទេ
តែអ្នកអាចបន្ថយ Stress
ក្នុងអារម្មណ៍បានយ៉ាងច្រើន
ត្បិតប្រើប្រាស់ និងទទួលផលតាមន័យដើមនៃថ្ងៃឈប់សម្រាក។
៨. កុំបរភោគក្រៅផ្ទះ អាហារទាំង៣ពេលគួរបរិភោគក្នុងផ្ទះ
សូម្បីតែការទទួលទានកាហ្វេក៏ គួរប្រើរបស់ក្នុងផ្ទះដែរ។
ពិតហើយមិនងាយធ្វើបានទេចំណុចនេះ តែបើជោគជ័យសុខភាពអ្នកក៏ល្អ
ហោប៉ៅលុយក៏ល្អដែរ។
៩. កុំចាយលុយលើល្បែងកំសាន្ត ពិតជាពិបាកហើយ
ពេលអ្នកត្រូវអត់ធ្មត់សន្សំសំចៃក្នុងខ្ទង់នៃការកំសាន្តនេះ
តែតាមពិតមានវិធីច្រើនដែលអ្នកអាចកែកំសាន្តបានដោយមិនអស់លុយ
ដូចជាដើរកំសាន្ត និងធាក់កង់លេងតាមសួនច្បារ។ល។
១០. បើកអាជីវកម្មផ្ទាល់ខ្លួន ធ្វើការថែមម៉ោងក្រៅពីធ្វើឱ្យក្រុមហ៊ុន
ជាចំណុចដែលគ្រប់គ្នាដើររំលង
តែវាជាមធ្យោបាយល្អបំផុតសម្រាប់ពង្រឹងស្ថានភាពថវិកា។ វាមានន័យថា
៨ម៉ោងយើងធ្វើការឱ្យក្រុមហ៊ុន ហើយ ៤ទៅ
៨ម៉ោងទៀតយើងធ្វើអាជីវកម្មខ្លួនឯង៕
No comments:
Post a Comment