គន្លឹះប្រតិបត្តិទាំងនេះស្តីពី ការកំនត់គោលដៅអាចជួយអ្នកអោយធ្វើការរៀបចំ និងសំរេចគោលដៅទាំងនោះបានងាយស្រួលជាងមុន ។
១. គោលដៅដែលមានភាពច្បាស់លាស់ និង ពិតប្រាកដអាចដំណើរការបានយ៉ាងល្អបំផុត
នៅពេលដែលការផ្លាស់ប្តូរត្រូវបានមកដល់ មនុស្សដែលអាចទទួលភាពជោគជ័យបាន គឺអ្នកទាំងឡាយណាដែលបានកំនត់គោលដៅពិតប្រាកដ និង ជាក់លាក់។
" ខ្ញុំនឹងប្រើរបស់ចាស់ៗឡើងវិញ ដូចជាសំបកដបប្លាស្ទីក, កំប៉ុងទឹកក្រូចនិងទស្សនាវដ្តី" គឺជាគោលដៅមួយដែលអាចធ្វើបានជាងការដែលអ្នកនិយាយថា "ខ្ញុំនឹងធ្វើអ្វីៗបន្ថែមទៀតសំរាប់ បរិស្ថាន" ។ ហើយវាក៏មានភាពងាយស្រួលសំរាប់អ្នក ក្នុងបន្តអនុវត្តវាផងដែរ ។
២. វាត្រូវចំណាយពេលសំរាប់ការផ្លាស់ប្តូរ ដើម្បីបង្កើតបានជាទំលាប់មួយ
វាប្រហែលជានឹងត្រូវចំណាយពេលពី ពីរ ទៅបីខែមុននឹងមានការផ្លាស់ប្តូរណាមួយអាចកើតឡើងបាន ដូចជាការក្រោកពី ដំណេកមុនកន្លះម៉ោង ដើម្បីធ្វើការហាត់ប្រាណ នឹងកា្លយជាផ្នែកមួយនៃទំលាប់នៅក្នុងជីវិតរបស់អ្នក។ នេះពីព្រោះតែខួរក្បាលរបស់អ្នកត្រូវការពេលវេលា ដើម្បីធ្វើអោយវាធ្លាប់នឹងគំនិតនៃ រឿងថ្មីនេះដែលអ្នកកំពុងធ្វើ គឺជាផ្នែកមួយនៃទំលាប់ជាប្រចាំ របស់អ្នក ។
៣. ទន្ទេញគោលដៅរបស់អ្នកឡើងវិញអោយបានច្រើនដង ដើម្បីធ្វើអោយវាឌិតជាប់នឹងអ្នក
និយាយគោលដៅរបស់អ្នកអោយបានលឺៗ ជារៀងរាល់ព្រឹក ដើម្បីរំលឹកខ្លួនអ្នកពីអ្វីដែលអ្នកចង់បាន និង ថាតើអ្នកកំពុងធ្វើវាដើម្បីអ្វី( ការសរសេរអំពីវា ក៏អាចមានប្រសិទ្ធភាពដែរ) ។ គ្រប់ពេលដែលអ្នកធ្វើការរំលឹកខ្លួនអ្នកអំពីគោលដៅរបស់អ្នកគឺអ្នកកំពុងតែហ្វឹកហាត់ខួរក្បាលរបស់អ្នក ដើម្បីធ្វើអោយវាកើតមានឡើង ។
៤. ការតម្រូវចិត្តរបស់អ្នកដទៃ គឺគ្មានប្រសិទ្ធិភាពទេ
គន្លឹះនៃការបង្កើតបំលាស់ប្តូរណាមួយនោះគឺ ត្រូវស្វែងរកអោយឃើញនូវសេចក្តីប៉ងប្រាថ្នាដែលនៅនឹងខ្លួនអ្នក អ្នកត្រូវតែធ្វើវាពីព្រោះតែអ្នកចង់បានវា មិនមែនដោយសារតែមិត្តស្រី, មិត្តប្រុស, គ្រូបង្វឹក, ឳពុកម្តាយ ឬ នរណាម្នាក់ចង់អោយអ្នកធ្វើវានោះទេ។ វានឹងកាន់តែមានភាពពិបាកជាងមុន ក្នុងការបន្តមានកំលាំងចិត្តនឹងធ្វើវា ប្រសិនបើអ្នកកំពុងធ្វើអ្វីមួយ ក្រៅពីកាតព្វកិច្ចរបស់អ្នក ដោយគ្រាន់តែដើម្បីផ្គាប់ចិត្តនរណាម្នាក់ផ្សេងនោះ ។
៥. ការជួបនឹងឧបសគ្គ មិនមែនបានន័យថាអ្នកបរាជ័យនោះទេ
ការមានកំហុសឆ្គង គឺជាផ្នែកមួយនៃដំណើរការសិក្សារបស់អ្នក តាមដែលអ្នកធ្វើការហ្វឹកហាត់ខួរក្បាលរបស់អ្នកឡើងវិញ ទៅក្នុងវិធីនៃការគិតថ្មីមួយ។ វាអាចនឹងចំណាយ ការសាកល្បងពីរបីដង ដើម្បីអោយអ្នកសំរេចបានគោលដៅមួយ។ ប៉ុន្តវាពិតជាមិនអីនោះទេ វាជាការធម្មតាដែលអ្នកត្រូវ ជួបភាពរញ៉េរញៃ ឬ បោះបង់ចោលវាពីរបីដង នៅពេលអ្នកព្យាយាមធ្វើការផ្លាស់ប្តូរ។ ដូច្នេះចូរចងចាំថា អ្នករាល់គ្នាតែងមានកំហុស ហើយកុំបន្ទោសខ្លួនឯងអំពីវា។ អ្នកគ្រាន់តែធ្វើការរំលឹកខ្លួនឯង ដើម្បីត្រលប់ទៅ បន្តវាទៀត ៕
No comments:
Post a Comment