អ្វីទៅដែលយើងហៅថាជាជោគជ័យ?
ជោគជ័យជាពាក្យពីរម៉ាត់ដែលពិបាកនិងសំរេចបានគ្មានជោគជ័យឯណាកើតទ្បើងក្នុងរយៈពេលមួយយប់នោះទេ?
ហើយក៍មិនមានជោគជ័យឯណាកើតទ្បើងដោយចៃដន្យនោះដែរ។
ចង់បានជោគជ័យមួយគឺត្រូវ
ចាប់ផ្តើមពីក្តីស្រមៃមួយដ៍ជាក់លាក់
ក្តីស្រមៃដែលមិនមែនជាការរវើរវាយ និងការរៀបចុះផែនការដ៍ឆ្លាតវៃ
(Smart Goal) មានមនុស្សជាច្រើនដែលពូកែក្នុងការធ្វើផែនការតែពួកគេមិនពូកែអនុវត្តន៍ផែនការ។
ការរៀបចំគោលដៅជីវិតត្រូវចាប់ផ្តើមពី អ្វីដែលយើងមានគឺសំដៅ ទៅលើជំនាញនិងទេពកោសល្យពីធម្មជាតិដែលមាននៅក្នុងខ្លួនយើងចៀសវាងនៅរាល់ការសំរេចតាមអ្នកដ៍ទៃ
ព្រោះការធ្វើតាមគេ នឹងមិនមាននិរន្តភាពទ្បើយ
យើងអាចនឹងបោះបង់គ្រប់ពេលនៅពេលដែលយើងមានបញ្ហា។
អនុវត្តន៍ផែនការដោយយកចិត្តទុកដាក់ តាមរយៈការបំបែកផែនការរយៈពេលវែង
អោយមកជាផែនការរយៈពេលខ្លី
បំបែកផែនការប្រចាំឆ្នាំអោយក្លាយទៅជាផែនការប្រចាំខែ
ផែនការប្រចាំខែ
អោយទៅជាផែនការប្រចាំសប្តាហ៍និងផែនការប្រចាំសប្តាហ៍អោយទៅជាផែនការ
ប្រចាំថ្ងៃ បន្ទាប់មកត្រូវយកចិត្តទុកដាក់អនុវត្តន៍ផែនការប្រចាំថ្ងៃនោះអោយបានទៀងទាត់និងយកចិត្តទុក្ខដាក់ជាទីបំផុត។
ចូរពិនិត្យតាមដានមើលថាតើការអនុវត្តន៍ផែនការនោះសំរេចបានតាមគោលដៅដែលបានគិតទុកនោះដែររឺទេ? បើមិនសំរេចបានតាមការគិតទុកទេ
ត្រូវមានវិធានការកែប្រែជាបន្ទាន់នៅក្នុងការអនុវត្តន៍ផែនការប្រាកដណាស់ដែលនឹងជួបនូវឧបសគ្គជាច្រើន
តែអ្នកត្រូវចាំថាឧបសគ្គដែលធំបំផុតនោះគឺ ភាពភ័យខ្លាច
នៅក្នុងខ្លួនរបស់យើងម្នាក់ៗនេះឯង
ដូច្នេះចូរយកឈ្នះលើសត្រូវក្នុងខ្លួនអ្នកអោយបាន ដូចដែលព្រះបន្ទូលរបស់ព្រះបាទជ័យវរ្ម័នទី៧ថា÷
ដើម្បីជោគជ័យក្នុងជីវិតបានត្រូវ យកឈ្នះខ្លួនឯង ឈ្នះសង្គម និងឈ្នះធម្មជាតិ។ ដូច្នោះចូរព្យាយាមយកឈ្នះខ្លួនអ្នក យកឈ្នះលើភាពខ្ជិល ភាពពំនួតនិងភាពអាត្មានិយមរបស់អ្នក ដើម្បីរៀបចំខ្លួនទទួលយកជោគជ័យថ្មីៗសំរាប់ជីវិត។
No comments:
Post a Comment