ដូច្នេះអ្នកនឹងតែងតែស្ថិតនៅក្នុង កំណត់ត្រាល្អ របស់ថ្នាក់ ដឹកនាំជាន់ខ្ពស់របស់អ្នកជាមិនខាន។ ការសម្តែងចេញ អោយបានល្អ នៅក្នុងថ្ងៃចាប់ផ្តើមការងារដំបូង គឺជា ចំណុចសំខាន់បំផុត ប្រសិនបើអ្នកត្រូវ បង្កើតទីតាំងមួយ សម្រាប់ខ្លួនអ្នក នៅក្នុងការិយាល័យថ្មីនេះ ។ ដូច្នេះ តើអ្នកត្រូវធ្វើដូចម្តេចខ្លះ ? សូមបន្តអានចំណុចដូចខាងក្រោមនេះ ដើម្បីទទួលបាននូវ គន្លឹះសំខាន់ ៗ ដែលអាចអោយអ្នក ជោគជ័យបាន នៅក្នុងអាជីពការងារថ្មីរបស់អ្នកនេះ ៖
១. លាក់បាំងនូវ ភាពភ័យខ្លាចរបស់អ្នក
ចំណុចដំបូង និង ជាគោលសំខាន់ ដែលអ្នកត្រូវធ្វើ នៅក្នុងថ្ងៃដំបូងនេះគឺ ត្រូវលាក់បាំងនូវ អារម្មណ៍នៃ ការភ័យខ្លាចរបស់អ្នក។ នៅពេលដែលអ្នកសម្តែងនូវអារម្មណ៍នេះ នោះអ្នកនឹងហាក់ទៅជា វង្វេងស្មារតី ហើយវាអាចនឹងធ្វើអោយ មនុស្សដែលកំពុងប្រាស្រ័យទាក់ទងជាមួយអ្នក វាយតម្លៃអ្នកខុស។ ដូច្នេះ មិនថាពេល ណាក៏ដោយ ដែលអ្នកត្រូវបោះជំហាន ទៅក្នុងការិយាល័យថ្មី នៅក្នុងថ្ងៃដំបូងនេះ នោះអ្នកត្រូវតែប្រាកដ ច្បាស់ ក្នុងចិត្តថា អ្នកបានលាក់បាំងបាននូវ ភាពភិតភ័យ និង រាល់ការបារម្ភផ្សេងៗ នេះហើយ ។
២. តែងតែរក្សានូវស្នាមញញឺម
វិធីមួយដ៏ល្អប្រសើរបំផុត ដើម្បីបិទបាំងនូវការភ័យខ្លាចរបស់អ្នក និង សម្តែងថាខ្លួនអ្នកជា មនុស្សដែល មានប្រជាប្រិយភាព គឺការរក្សានូវស្នាមញញឹមនៅលើផ្ទៃមុខ ជានិច្ច។ អ្នកក៏ត្រូវកំណត់បាន ផងដែរថា ស្នាមញញឹមនេះ គឺសាកសម និង មិនមែនគ្រាន់តែជាការសម្តែងចេញនោះទេ។ នៅពេលដែលអ្នក ញញឹម អ្នកត្រូវបានគេសន្មត់ថា អ្នកជាមនុស្សដែលមានភាពរីករាយ ហើយមនុស្សដែលនៅជុំវិញខ្លួន អ្នកនឹងសំដៅមករាប់អានអ្នកជាមិត្ត ។វាជាកក្តាដែល នឹងធ្វើអោយអ្នកមាន ផាសុកទៅនឹងមជ្ឈដ្ឋានថ្មី មួយនេះ។
៣. ត្រូវចេះសម្តែងនូវការចាប់អារម្មណ៍
ថ្ងៃដំបូងរបស់អ្នក នៅក្នុងការិយាល័យថ្មី អាចនឹងរួមមាននូវ វគ្គហ្វឹកហាត់ការងារ ឬ ការណែនាំការងារ និង ទំនួលខុសត្រូវដែល អ្នកត្រូវទទួលបន្ទុក ពីមិត្តរួមការងារថ្មីរបស់អ្នក។ ពួកគេ អាចនឹងណែនាំអ្នក ទៅកាន់ សមាជិកនៃ ក្រុមការងារថ្មីរបស់អ្នក។ នៅពេលដែលមានដំណើរការនេះ កើតឡើង នោះអ្នក ត្រូវតែប្រាកដថា ខ្លួនអ្នកបានសម្តែងនូវចំណាប់អារម្មណ៍ របស់អ្នកចំពោះពួកគេ។ ប្រសិនបើអ្នកមាន អារម្មណ៍ថាងងុយគេង នៅក្នុងអំឡុងពេលនៃការហ្វឹកហាត់ការងារ ឬ បង្ហាញថា ខ្លួនអ្នកធុញទ្រាំ នឹងការ ជួបនឹងមនុស្សថ្មីៗ នោះអ្នកអាចនឹង បង្កើតនូវចំណាប់អារម្មណ៍មិនល្អមួយ ពីសំណាក់មិត្តរួមអាជីពថ្មី នៅក្នុងថ្ងៃដំបូងនៃការងារថ្មី នេះ។
៤. ត្រូវស្លៀកសំលៀកបំពាក់អោយបានសមរម្យ និង មានផាសុក
នៅក្នុងថ្ងៃដំបូង នៅក្នុងការិយាល័យថ្មីនេះ នោះអ្នកនឹងត្រូវស្វែងយល់នូវ បទពិសោធន៍ថ្មីៗ និង មនុស្សនៅជុំវិញខ្លួន ដែលអ្នកមិនដែលស្គាល់ពីមុនមក។ ប្រការនេះ នឹងធ្វើអោយអ្នក មានអារម្មណ៍ ភ័យខ្លាច ឬ បាត់បង់ភាពជឿជាក់លើខ្លួនឯង។ លើសពីនេះទៅទៀត ប្រសិនបើអ្នក ស្លៀកនូវសំលៀក បំពាក់ ដែលមិនបានផ្តល់នូវផាសុកភាព ឬ លេចធ្លោខ្លាំងពេក នោះវានឹងធ្វើអោយអ្នកមានអារម្មណ៍ ប្រុង ប្រយ័ត្នគ្រប់ពេលទាំងអស់ ។
៥. ព្យាយាមចងចាំឈ្មោះ
វាប្រាកដជាពិបាក ក្នុងការចងចាំឈ្មោះថ្មីៗ ដោយការទន្ទេញ។ ប៉ុន្តែ នៅពេលដែលអ្នកត្រូវបានណែ នាំខ្លួនទៅកាន់ នរណាម្នាក់ នៅក្នុងបន្ទប់ការិយាល័យថ្មីនេះ នោះអ្នកគប្បីព្យាយាមចងចាំ នូវឈ្មោះរបស់ពួកគេផងដែរ។ អ្នកអាចសាកល្បង ហៅឈ្មោះគេ នៅក្នុងអំឡុងពេលនៃម៉ោងសម្រាកអាហារថ្ងៃត្រង់ និង សុំទោសពួកគេ ប្រសិនបើអ្នកបានភ្លេចឈ្មោះរបស់ពួកគេ ។ បន្ទាប់មក នៅពេលដែលពួកគេ បាន ប្រាប់ឈ្មោះជាថ្មីម្តងទៀតមកកាន់អ្នក នោះអ្នកត្រូវព្យាយាមថាតាមឡើងវិញ អោយបានច្រើនដង។ នៅ ពេលដែលអ្នក ពិតជាបានព្យាយាម ចងចាំនូវឈ្មោះរបស់មិត្តរួមការងារថ្មីអ្នក នោះពួកគេនឹង ពេញចិត្ត នូវកាយវិការទាំងនេះ ហើយពួកគេនឹងរីករាយ ក្នុងការចងមិត្តជាមួយនឹងអ្នក ។
៦.ត្រូវនិយាយតែពេលណា ដែលចាំបាច់
នៅក្នុងថ្ងៃដំបូងបំផុត នៅក្នុងបន្ទប់ការិយាល័យថ្មីនេះ វាជាការប្រសើរ ក្នុងការបិទមាត់ និង រង់ចាំស្តាប់ នូវអ្វីៗ ដែលអ្នកដទៃត្រូវនិយាយ។ អ្នកមិនត្រូវចាប់ផ្តើមការសន្ទនា ដែលឥតប្រយោជន៍ និង រំខានដល់ មនុស្សដែលនៅជុំវិញខ្លួននោះទេ។ អ្នកក៏ត្រូវប្រាកដផងដែរ ថាខ្លួនអ្នកមិនបានបង្ហាញនូវ ព័ត៌មានរបស់ ខ្លួនឯងច្រើនពេក នៅក្នុងថ្ងៃដំបូងនេះដែរ តាមដែលវាអាចនឹងបង្កបញ្ហាដល់អ្នក ប្រសិនបើវា ត្រូវបានលឺ ទៅ ដល់មនុស្សដែលមិនគួរដឹង ។
៧. ជៀសវាងនូវការអួតសសើរពីខ្លួនឯង
នៅពេលដែលអ្នក ត្រូវបានស្នើរសុំអោយមានបញ្ចេញយោបល់ នោះអ្នកត្រូវផ្តល់ព័ត៌មានអោយ បានច្រើនទៅតាមតម្រូវការ ដែលចាំបាច់។ ជៀសវាងនូវការអួតសសើរពីខ្លួនឯង និង សមិទ្ធិផលដែល អ្នកសម្រេចបាន។ អ្នកអាចនឹងធ្លាប់បាន មេដាយមាស នៅសាលារៀន ប៉ុន្តែវានឹងមិនមានទំនាក់ទំនងអ្វី នៅក្នុងការិយាល័យការងារ ថ្មីរបស់អ្នកនេះទេ។ គ្មាននរណាម្នាក់ចាប់អារម្មណ៍ ចង់ដឹងថាអ្នកជានរណា អោយប្រាកដនោះទេ ជាពិសេសសម្រាប់ថ្ងៃដំបូងនេះ ។ នៅពេលដែលពួកគេ បានស្គាល់អ្នក កាន់តែច្បាស់ នោះគេនឹងចាប់អារម្មណ៍នឹងសុខទុក្ខរបស់អ្នក ដូច្នេះ អ្នកគប្បីត្រូវរង់ចាំដល់ថ្ងៃនោះ។
៨. ធ្វើនូវកិច្ចការអ្វី ដែលអ្នកត្រូវបានចាត់តាំង
ភាគច្រើន នៅក្នុងថ្ងៃដំបូងនៃការងារថ្មីរបស់អ្នក នោះអ្នកនឹងមិនត្រូវរំពឹងថា ធ្វើការងារច្រើនពេក នោះទេ ។ មិនថាមានរឿងអ្វីកើតឡើងទេ អ្នកត្រូវបញ្ចប់កិច្ចការ ដែលអ្នកត្រូវបានចាត់តាំង អោយទទួល បន្ទុកមុនពេល ដែលអ្នកអាចឈប់សម្រាកបាន។ ប្រសិនបើអ្នកមិនបញ្ចប់វា ឬ ពន្យាពេលធ្វើការងារ ទាំងនោះ នោះវានឹងបង្កើតនូវអារម្មណ៍មិនល្អ និង ប៉ះពាល់ដល់ការយល់ឃើញរបស់អ្នក ដទៃ ចំពោះខ្លួនអ្នក ៕
No comments:
Post a Comment